ഈയടുത്ത് മ്മ്ടെ ഇൻഡ്യാരാജ്യത്തിലുള്ള മണിപ്പൂരിലും മിസോറാമിലും ഒക്കെയുള്ള നെയ് മേനാശേ (Bnei Menashe) എന്ന കുറെ ഗോത്രവർഗക്കാർ അവർ ജൂതർ ആണെന്ന പേരിൽ ഇസ്രായേലിലേക്ക് കേറി പോവുകയുണ്ടായി. ഇപ്പൊ ഒരു അയ്യായിരത്തോളം പേര് ഇവരിൽ നിന്ന് ഇസ്രായേലിൽ എത്തിയിട്ടുണ്ട്. ജൂതന്മാർ മിഡിൽ ഈസ്റ്റിൽ ഉത്ഭവിച്ച ഹീബ്രൂ സംസാരിക്കുന്ന ഒരു ഗോത്രക്കൂട്ടം ആണ്. യഹോവ എന്ന ഏകദൈവം. എബ്രഹാം എന്ന കാരണവരുടെ സന്തതിപരമ്പരകൾ. (എന്നൊക്കെയാണ് വെയ്പ്പ്). ഇതൊന്നും ഒരു പുത്തരിയല്ല. മനുഷ്യർ ഇങ്ങനത്തെ ഒരു ഗോത്രക്കൂട്ടങ്ങളുടെ ഒരു ഇമ്മിണി […]
പ്രോട്ടോൺ വെള്ളച്ചാട്ടങ്ങളും ജീവനും:
പൊന്നു സുഹൃത്തുക്കളേ. വത്സല മക്കളേ- ആദിയിൽ വെള്ളമുണ്ടായിരുന്നു. ഫോസ്ഫോലിപിഡ് പാടകൾ കൊണ്ടുള്ള കുമിളകൾക്കകത്ത് ഡി എൻ എ ഉണ്ടായിരുന്നു. ആർ എൻ എയും. ആർ എൻ എ ആദ്യം. പ്രോട്ടീനുകൾ നീന്തി നടന്നു. അവ ചെറു മെഷീനുകൾ ആയിരുന്നു. കുമിളകൾക്ക് ഘടന ഉണ്ടായിരുന്നു. ഘടന നിലനിർത്താൻ ഊർജം വേണമായിരുന്നു. ഊർജം വലിയ തന്മാത്രകളിലുള്ള കെമിക്കൽ ബോണ്ടുകളിൽ ഒളിച്ചിരുന്ന് തരില്ല പുല്ലേ എന്ന് വെല്ലുവിളിച്ചു. ഗ്ളൂക്കോസ് പോലുള്ള തന്മാത്രകളെ പൊളിച്ച് ചെറുതാക്കി, കുറഞ്ഞ എൻട്രോപ്പിയെ കവർന്ന് ആദിയിൽ ഉണ്ടാക്കിയത് […]
ആയുർവേദം കൊണ്ട് ട്യൂമർ മാറുന്നു? – പ്രസിദ്ധീകരണങ്ങൾ വരുന്നത് വളരെ നല്ല കാര്യം. ഗവേഷണങ്ങൾ തുടരണം:
അടുത്തായി പലയിടത്തും കണ്ട ഒരു വാർത്തയാണ്_ “പ്രോസ്റ്റേറ്റ് ഗ്ലാൻഡ് കാൻസർ ആയുർവേദം കൊണ്ട് പൂർണമായും മാറി”. ഗവേഷണ പ്രബന്ധത്തിന്റെ തലക്കെട്ട് തന്നെ അതാണ്- “ആയുർവേദ ചികത്സ കൊണ്ട് മാത്രം പൂർണമായും ഇല്ലാതായ പ്രോസ്റ്റേറ്റ് കാൻസർ” ജേർണൽ ഏതാണ്, ഇൻഡക്സിങ് എന്താണ് എന്നൊന്നും നോക്കുന്നതിൽ വലിയ കാര്യമൊന്നുമില്ല. ഇതേ പോലുള്ള കേസ് റിപ്പോർട്ട് ഒക്കെ, പ്രത്യേകിച്ചും ആയുര്വേദയെ കുറിച്ചുള്ളത് പ്രസിദ്ധീകരിച്ചു കിട്ടാൻ പാടാണ്. കഷ്ടപ്പെട്ട് പ്രസിദ്ധീകരിക്കാൻ കാണിച്ച ഡോക്ടർമാരുടെ മനോഭാവം നല്ലതാണ്. ശാസ്ത്രീയമായ തെളിവുകൾ കാണിച്ചു കൊടുത്തു മാത്രമേ […]
കെഴക്കൻ കൊരങ്ങേ, കെഴങ്ങൻ അല്ലാത്ത കൊരങ്ങേ……എന്തുട്ട് പോക്കഷ്ടോ. എങ്ങോട്ടാ ദ്?
മ്മള് ഇങ്ങനെ മൃഗശാലലോട്ടാ പോവുമ്പോ ദൂരന്നേ ഒരോളിബഹളം കേക്കാം. കൊരങ്ങന്മാര്ടെ കൂടിന്റെ പൊറത്ത് മനുഷ്യപ്പിള്ളേർ ബഹളം വെക്കുന്നതാണ്! കൂടെ മനുഷ്യ ചള്ളകൾ വലുതും ണ്ട്. എന്തുട്ടാ ഇത്ര പാസിനേഷൻ? മ്മ്ടെ പോലെന്നെ….! കണ്ടാലും, സൊബാവോം ഒക്കെ. സംശാ വേണ്ട. കസിൻസണെ. പത്തെഴുപത് മില്യൺ വര്ഷം മുൻപേ കുട്ടിത്തേവാങ്ക്, ലീമർ ജാതി പ്രൈമേറ്റുകൾ ഉണ്ടായി. ഒരു മില്യൺ ന്നാൽ പത്തുലക്ഷം. ഒരു ഇരുപത്തഞ്ച് മില്യൺ കൊല്ലം മുൻപേ നല്ല സൊയമ്പൻ കൊരങ്ങന്മാരായി. ഇപ്പൊ മ്മ്ടെ ഏറ്റവും അടുത്ത ബന്ധു […]
ആണുങ്ങളും പെണ്ണുങ്ങളും ഒന്നല്ല – സോറീട്ടോ.
നമ്മുടെ ഇടയിലുള്ള ഒരു സാധാരണ ധാരണയാണ് പെണ്ണുങ്ങളും ആണുങ്ങളും തമ്മിൽ ശാരീരിക വ്യത്യാസങ്ങൾ മാത്രമേയുള്ളു; മാനസിക, മസ്തിഷ്ക വ്യത്യാസങ്ങൾ ഒന്നും തന്നെയില്ല- ഉണ്ടെങ്കിൽ തന്നെ അത് സമൂഹം അടിച്ചേൽപ്പിക്കുന്നതാണ് എന്നൊക്കെ. അത് തെറ്റാണ് എന്നാണ് തോന്നുന്നത്, പിള്ളേച്ചാ. ആദ്യം തന്നെ പറയട്ടെ- ജീനുകളും ബയോളജിയും സമൂഹവും ഒക്കെ ചേർന്നാണ് മനസ്സ്, മസ്തിഷ്ക പ്രത്യകതകൾ ഒക്കെ രൂപപ്പെടുന്നത്. പക്ഷെ എല്ലാം സമൂഹം അടിച്ചേൽപ്പിക്കുന്നതാണ് എന്നൊക്കെ പറഞ്ഞാ- സോറി സഹോ- അതങ്ങോട്ട് വിഴുങ്ങാൻ നിവർത്തിയില്ല. രണ്ടാമതായി പറയട്ടെ- മിക്ക ആണുങ്ങളും […]