കല്യാണം കഴിഞ്ഞു വീട്ടിൽ കയറിയ പെണ്ണിനെ റാഗിങ് പോലെ അരകല്ലിൽ അരപ്പിക്കുന്ന ഒരു വീഡിയോ കണ്ടു. അതിൽ കുരു പൊട്ടി ഒലിക്കുന്ന കുറെ പേരാണ് സോഷ്യൽ മീഡിയ മൊത്തം.
ഞാൻ ചോദിക്കുക ആണ് സുഹൃത്തുകളെ:
എന്തുട്ടാണ് ഇവിടെ പ്രശ്നം?
നമ്മുടെ സംസ്കാരത്തിന്റെ ഒരു നേർക്കാഴ്ച ആണ് നമ്മൾ ഇവിടെ കണ്ടത്. പത്തിരുപതിനായിരം കൊല്ലം പഴക്കമുള്ള ഒരു സംസ്കാരം നമുക്കുണ്ട്.
അഫ്‌ഗാനിസ്ഥാൻ മുതൽ ബർമ വരെ നീണ്ടു നിവർന്നു കിടക്കുന്ന ഒരു സ്ഥലം ആയിരുന്നു നമ്മുടെ അഖണ്ഡ ഭാരതം. ലക്ഷക്കണക്കിന് വർഷങ്ങളായി ഇവിടെ നമ്മൾ ഒരേ പോലെയുള്ള ഒരേ സംസ്കാരമുള്ള ജനങ്ങൾ ഒന്നിച്ചുണ്ടു, ഒരേ ചമ്മന്ദി അരച്ചു, അതെ ചമ്മന്ദി തിന്നു- അതെ പായയിൽ ഒന്നിച്ചുറങ്ങി, ഒരേ കോണക് കീഴിൽ അണി നിരന്നു.
ഈ ആയിരക്കിന് കൊല്ലങ്ങൾ എങ്ങനാണ് ഹേ നമ്മൾ ചമ്മന്ദി അരച്ചത്? സമ്മന്തി എന്ന് തിരുവല്ലക്കാർ വിളിച്ചിരുന്ന ഈ ചമ്മന്തി അരക്കാൻ ഒരു മിക്സിയോ ഗ്രൈൻഡറോ ഉണ്ടാവാൻ പുഷ്പക വിമാനങ്ങൾ തലങ്ങും വിലങ്ങും പാറ്റ പോലെ പറന്നു നടന്നിരുന്ന അക്കാലത്ത് ഒരു വിഷമവും ഉണ്ടായിരുന്നില്ല . തെങ്ങു ഫല ശല്യ ക്രിയ യന്ത്രം എന്നൊക്കെ കേട്ടിട്ടില്ലേ? ഇല്ലെങ്കിൽ ഇപ്പൊ കേട്ടോ.
മന പൂർവമാണു ഈ അമ്മി ക്കല്ല്, ആട്ടു കല്ല്, ഉര കല്ല് എന്നിവ മൂലമേഅരക്കാനും, ആട്ടാനും കുത്താനും പാടുള്ളു എന്നും, അതും പെണ്ണുങ്ങൾ തന്നെ അത് ചെയ്യണം എന്നും നിഷ്കര്ഷിച്ചിരിക്കുന്നത്. പെണ്ണുങ്ങൾ വീട്ടിലെ ജോലി ഇങ്ങനെ ചയ്താൽ മാത്രമേ അവർക്ക് അത്യാവശ്യം വേണ്ട വ്യായാമം കിട്ടൂ. ഉരലിൽ നെല്ല് കുത്തിക്കൊണ്ടിരുന്നാലെ ആ സമയത്ത് പ്രസവ വേദന വന്ന് പ്രസവിക്കാൻ പറ്റൂ.
മാത്രവുമല്ല, ഈ ജോലികൾ ഉള്ളത് കൊണ്ടാണ് അവർക്ക് പുറത്ത് പോയി ജോലി ചെയ്യാൻ പറ്റാത്തത്. പുറത്ത് ജോലി ചെയ്‌താൽ അതിനു കാശ് കിട്ടും. ചുരുക്കി പറഞ്ഞാൽ ആണുങ്ങൾ ചെയ്യുന്ന പണി മിക്കതും പൈസക്ക് ചെയ്യുന്ന കൂലിപ്പണിയാണ്.
സ്ത്രീ ദേവിയാണ്, ദേവത ആണ്. പവിത്ര ആണ്. പവിത്രത ഉള്ള ആരാധ്യ മങ്കകളെ കൊണ്ട് കൂലി പണി ചെയ്യിക്കാൻ നമ്മുടെ സംസ്കാരം അനുവദിക്കുന്നില്ല.
അത് കൊണ്ട് സ്ത്രീകളെ:
നിങ്ങൾ അര
നിങ്ങൾ ആട്ടു
നിങ്ങൾ കുത്തു
കുടുംബം സംരക്ഷിക്കു. കാശ് കൊണ്ട് കൈ വൃത്തി കേടാക്കാതിരിക്കു. പകരം ഉള്ളി പൊളിക്കു. ചാണകം വാരു. കുഞ്ഞുങ്ങളുടെ അപ്പി കഴുകി സായൂജ്യം അടയൂ
വരത്തന്മാരായ മിക്സി, ഗ്രൈന്റർ, വാഷിങ് മെഷീൻ ഒക്കെ ബഹിഷ്കരിക്കു.
നെഹ്റു പാവനവും വന്ദ്യവുമായ സ്ത്രീ ദേഹങ്ങളോട് അടുത്ത് പെരുമാറുന്നത് ബഹുമാനക്കുറവ് ആയതു കൊണ്ടാണ് നമ്മൾ അത് എതിർക്കുന്നത്. സഹോദരിയെ ആയാലും അനന്തരവളെ ആയാലും കെട്ടി പിടിക്കാൻ ഒന്നും പാടില്ല. ബഹുമാന കുറവാണ്. ഇത്തരം കാര്യങ്ങളിൽ ആധികാരികം ആയി അഭിപ്രായം പറയാൻ സാധിക്കുന്ന താലിബാൻ, അൽ കൊയ്‌ദ എന്ന സംഘടനകൾ സമാനമായ അഭിപ്രായങ്ങൾ പറഞ്ഞിട്ടുള്ളത് ശ്രദ്ധിക്കുക.
നെഹ്‌റുവിന് സിഫിലിസ് ആയിരുന്ന കാര്യം നിങ്ങൾക്കറിയാമായിരുന്നല്ലോ. അതിനു തെളിവും രേഖകളും നമുക്ക് വേണ്ട. സംശയം ഉണ്ടെങ്കിൽ നെഹ്‌റുവിന് സിഫിലസ് ഇല്ലായിരുന്നു എന്ന് തെളിയിക്കുക- അതല്ലേ സീറോയിസം.
നെഹ്രുവിനോടുള്ള നമ്മുടെ അദമ്യം ആയ വെറുപ്പിന് വലിയ ഒരു കാരണം മിക്സിയും ഗ്രൈന്ററും പോലെ നമ്മുടെ സംസ്കാരത്തിന് ഒട്ടും ചേരാത്ത പാശ്ചാത്യ യന്ത്രങ്ങൾ ഇറക്കിയതാണ്.
ഇതിറക്കാൻ കോൺട്രാക്ട് കൊടുത്തത് അംബേദ്കർക്ക് ആണെന്നത് നമുക്കു ഇപ്പോഴും സഹിക്കാൻ പറ്റിയിട്ടില്ല.
ഓരോ ആൾക്കും തുല്യ വോട്ടുള്ള ഡെമോക്രസി എന്ന പോലീസുകാരന് എന്താണ് ഈ വീട്ടിൽ കാര്യം?
മത നിരപേക്ഷത- ബന്ദർ കെ ബച്ചേ. ധൂ.
അങ്ങനെ നമുക്ക് ഒരു തരത്തിലും യോജിക്കാൻ പറ്റാത്ത തുല്യത എന്ന മിക്സി, ജനാധിപത്യ മാന്യത എന്ന ഗ്രൈന്റർ, ദൈവീകേതര മാനവികത എന്ന വാഷിങ് മെഷീൻ- ഇതൊക്കെ പാവം ഇന്ത്യക്കാരുടെ തൊള്ളയിൽ കുത്തി കേറ്റിയ കഷ്‌മലൻ ആണ് നെഹ്റു.
നമുക്ക് വേണ്ടത് ഒരു ചൈനീസ് മോഡൽ ആണ്. കഴിഞ്ഞ പത്രത്തിൽ ചൈനീസ് അധികാരികൾ പുറത്തു വിട്ട ഒരു വാർത്ത കണ്ടു:
അവിടത്തെ ക്രിസ്ത്യാനികൾ കൂടുതൽ ഉള്ള ഒരു ഭാഗത്തെ എല്ലാവരും ക്രിസ്തുവിന്റെ പടം എടുത്തു തോട്ടിൽ എറിഞ്ഞു. പകരം ചൈനീസ് പ്രീമിയർ സ്‌ഗി ചിങ്ങോ പൈങ്ങോ , ആരുടെയോ ഫോട്ടോ വെച്ചു. ചിങിന്റെ അമ്മ മാതാവിന്റെ സ്ഥാനം അലങ്കരിച്ചു. ബൈബിളിന് പകരം കമ്മ്യൂണിസ്റ്റ് മാനിഫെസ്റ്റോ.
ഒട്ടും നിർബന്ധം ഇല്ലാതെ ആണ് ഇവർ ഇങ്ങനെ ചെയ്തത്. വെറും സ്നേഹപൂർവ്വം ഒന്നു ഉപദേശിച്ചപ്പോഴേക്കും കാര്യം നടന്നു എന്ന്. ചൈനീസ് പത്രങ്ങൾ പ്രത്യേകം പറഞ്ഞിട്ടുണ്ട്.
അടുത്ത് തന്നെ ബുദ്ധ മതക്കാരെയും, കോൺഫ്യൂഷ്യസ് മതക്കാരെയും ഒക്കെ ഇങ്ങനെ ഉപദേശിക്കും.
ഇങ്ങനത്തെ സ്നേഹോപദേശം ആണ് നമുക്കും വേണ്ടത്. വെറുതെ ഉപദേശിക്കുമ്പോഴേക്കും കാര്യങ്ങൾ നടക്കണം. ആ സ്റ്റേജ് എത്തിയാൽ രാജ്യം രക്ഷപ്പെടും.
ജയ് അമ്മിക്കൽ.
വന്ദേ ആട്ടു കല്ല്.
ഉരൽ വിജയിപ്പൂതാക.
മിക്സി, ഗ്രൈന്റർ നശിക്കട്ടെ. ആന്റി നാഷണൽ വാഷിങ് മെഷീൻ ഫ്യൂസ് അടിച്ചു ചാവട്ടെ.
അരക്കലും, ആട്ടലും, കുത്തലും പുലരട്ടെ (ജിമ്മി മാത്യു)
