ഈ ബജറ്റ് സമയത്ത് പൊട്ടനാണെന്നു സ്വയം തോന്നുന്നത് എനിക്ക് മാത്രം ആണാവോ ? എന്തുട്ട് പൂട്ടാ , ഈ ബജറ്റിൽ നോക്കണ്ടേ ? എനിക്കൊന്നും അറിയില്ല . പണ്ടാരം അടങ്ങാൻ – പണ്ഡിതർ ചാനൽ ചർച്ചകളിൽ കുണ്ടി ഉറപ്പിച്ചിരുന്നു ഗുണ്ടുകൾ കാച്ചിയും , എതിരാളികളുടെ ഗുണ്ടുകൾ കണ്ടിച്ചും ചണ്ടുല മണ്ടൂകങ്ങളായി മണ്ടുന്നത് കാണുമ്പോൾ ഞാൻ വെറും ഒരു മണ്ടൻ ആണെന്നുള്ള തോന്നൽ എന്റെ അന്തരാളങ്ങളിൽ വേര് ഊന്നുകയാണ് സുഹൃത്തുക്കളെ , ഊന്നുകയാണ് .
സഹ മണ്ടന്മാരേ , മണ്ടികളെ , കൂപ മണ്ഡൂകങ്ങളെ ,
ഈ ബജറ്റിനെ പറ്റി സംസാരിക്കാൻ വെവരം വേണം – വെവരം . എക്കണോമിക്സ് അറിയണം – അതിന്റെ കുണ്ടാമണ്ടികൾ മൊത്തം അറിയണം . സെൻസ് വേണം , സെൻസ് ഓഫ് കൊണപ്ലികേഷൻ വേണം .
മിച്ച ബജറ്റാണോ , കമ്മി ബജറ്റാണോ ?
അതോ പിച്ച ബജറ്റാണോ ?
ഇതൊന്നും എനിക്കാ അറിയാമ്പാടില്ല . അത് കൊണ്ട് , എന്ത് ഇഷ്യൂ വന്നാലും അഭിപ്രായം പറയുന്ന പോലെ , ഐഡിയോളജിക്കൽ ലൈനിൽ നീങ്ങുക – അതെ നിവർത്തിയുള്ളു .
അതായത് – നിങ്ങൾ കമ്മി ആണെന്ന് വിചാരിക്കുക – അപ്പോൾ കമ്മി ബജറ്റിനെ സപ്പോർട് ചെയ്യണം ! (അതായത് കമ്മ്യൂണിസ്റ് ബജറ്റ് – അല്ലാതെ ..ചെ – മറ്റേത് എന്ത് കമ്മി ആന്നെന്ന് അറിയാൻ പാടില്ല .)
കൊങ്ങി ആണെങ്കിലോ – കമ്പി ….സോറി —കമ്മി ബജറ്റിനെ അണപ്പല്ലും പുഴുപ്പല്ലും ഉപയോഗിച്ച് എതിർക്കണം . എതിര് പറയുന്നവന്റെ കൊങ്ങക്ക് പിടിക്കണം .
ആ ലൈൻ മാത്രമേ എന്നെ കൊണ്ട് പറ്റൂ . പ്ലീസ് എച്ചൂസ് മി – ആ – എച്ചൂസ് മി .
തീവ്ര നസ്രാപ്പി എന്ന നിലക്ക് എനിക്ക് നസ്രാണി ആയ തോമാച്ചന്റെ ബജറ്റിനെ അറപ്പാണ് , വെറുപ്പാണ് . ഉണ്ടാക്കാൻ പോകുന്ന പ്രതിമയുടെ മേൽ കാക്ക തൂറിയില്ലെങ്കിൽ ഞാൻ ആളെ വിട്ട് തൂറിക്കും . ഇല്ലെങ്കിൽ ഞാൻ തന്നെ …വേണ്ട , കാട് കയറേണ്ട – പൊതു ശൗചാലയം തന്നെ ഉപയോഗിക്കാം .
കാരണം തോമാച്ചൻ നസ്രാണി ആണെങ്കിലും നസ്രാപ്പി അല്ല – കമ്മി ആണ് , കമ്മി .
ഡിലക്റ്റിക്കൽ മെറ്റീരിയലിസം എന്ന ഇസത്തിന്റെ ആളാണ് . ഞാനോ – ആഗോള ക്രിസ്ത്യൻ ഉമ്മയുടെ ആളും- ക്രിസ്ത്യൻ ഉമ്മത്തിൻ കായ . കുരിശു യുദ്ധം ലൈൻ ആണ് നമ്മടെ .
അത് പോലെ തന്നെ മോഡി സർക്കാരിന്റെ ബജറ്റ് ഞാൻ ശക്തി യുക്തം എതിർക്കേണ്ടത് ആണ് . കാരണം നിങ്ങള്ക് അറിയാമല്ലോ . മുസ്ലീങ്ങളും ക്രിസ്ത്യാനികളും വരത്തർ ആണ് . അവർ ഇവിടെ ഒക്കെ കുളമാക്കും എന്ന് പറഞ്ഞു വോട്ട് പിടിക്കാൻ ടെൻഡൻസി ഉള്ളവർ ആണ് അവർ .
മുസ്ലീങ്ങൾ വരത്തർ ആയിരിക്കും . ആര്യന്മാർ വരത്തർ അല്ലെ ? ആണ് . ദ്രാവിഡിയര് വരത്തർ അല്ലെ ? ആണ് .
എന്തിന് – ആദിമ ഗോത്ര വർഗക്കാർ പോലും വരത്തർ ആണ് – അങ്ങ് ആഫ്രിക്കെന്നു .
അപ്പൊ നിങ്ങൾ ചോദിച്ചേക്കാം – ആര്യന്മാരും , ദ്രവീഡിയരും ഒക്കെ വരത്തർ ആവുമ്ബോൾ നസ്രാണികളും വരത്തർ അല്ലെ ?
അല്ല . നഹി . നഹീന്നു പറഞ്ഞാൽ നഹി .
അതെങ്ങനെ പറ്റും ?
കണ്ടോ , കണ്ടോ – ഇതാണ് പ്രശ്നം . ഒരു ചോദ്യത്തിന് ഉത്തരം പറഞ്ഞാൽ അടുത്ത ചോദ്യം വരും .
സീ – ഒരു കാര്യം മനസ്സിലാക്കണം – കർത്താവിനു എല്ലാം സാധ്യമാണ് . ആദിയിൽ ദൈവം മനുഷ്യനെ സൃഷ്ടിച്ചു . എന്നിട്ടു പറഞ്ഞു :
“നസ്രാണികൾ എവിടെ എപ്പോൾ ചെന്നാലും വരത്തർ ആയിരിക്കുന്നതല്ല !”
അത്രേയുള്ളു – സിംപിൾ .
ഇങ്ങനെ ആണെങ്കിലും കേന്ദ്ര ബജറ്റിനെ ഞാൻ പൂർണമായും സപ്പോർട് ചെയ്യുന്നു . ഒരു ചാക്ക് സപ്പോട്ടക്ക എന്റെ വക !
എന്താണെന്നല്ലേ ? നമ്മുടെ ഒരു പ്രധാന പ്രശ്നം ആയ ആരോഗ്യം ബജറ്റിൽ ഡീൽ ചെയ്തിരിക്കുന്നത് സുവിശേഷ ലൈനിൽ ആണ് . ഭാരതം മൊത്തം സുവിശേഷ വത്കരിക്ക പ്പെടുന്നതിന്റെ ഒരു തുടക്കമാണ് അത് .
നമ്മുടെ മുഴുവൻ രാജ്യ വരുമാനത്തിന്റെ ഒരു ശതമാനം മാത്രമാണ് സർക്കാർ പൊതു ജനാരോഗ്യത്തിനായി ചിലവഴിക്കുന്നത് . പല യൂറോപ്യൻ രാജ്യങ്ങളിലും അമേരിക്കയിലും ഇത് പത്തു ശതമാനത്തോളം ആണ് .
വേറൊരു കാര്യം കൂടി ഓർക്കണം . ഇത് മൊത്ത വരുമാന കണക്കാണ് . പ്രതി വ്യക്തി വരുമാനമാണ് ശരിക്കും നോക്കേണ്ടത് . നമ്മുടെ പ്രതി വ്യക്തി (പ്രതി ശീര്ഷ ) വരുമാനം ഒരു യൂറോപ്യൻ രാജ്യമോ അമേരിക്കയുടേതോ അപേക്ഷിച്ചു പതിനഞ്ച് മടങ്ങു (!!!) ചെറുതാണ് .
അതായത് – സർക്കാർ തലത്തിൽ നമ്മുടെ നാട്ടിൽ ഒരു ശാരാശരി ക്കാരന് കിട്ടാവുന്ന ആരോഗ്യ പരിപാലന തുക അമേരിക്കയുടേത് താരതമ്യം ചെയ്താൽ നൂറ് ഇരട്ടിയോളം ചെറുതാണ് .
പക്ഷെ – നമുക്ക് വേണ്ടത് അമേരിക്കയുടെ അതെ സ്റ്റാൻഡേർഡിൽ ഉള്ള ചികിത്സാ ആണ് ! ഇതെങ്ങനെ നടപ്പാവും ?
അതിനാണ് ആരോഗ്യ ഇൻഷുറൻസ് ! അല്ലാതെ പൊതു ആരോഗ്യത്തിനായി കൂടുതൽ ശതമാനം വക തിരുത്തേണ്ട കാര്യം ഒന്നുമില്ല !
അതായത് , സാധാരണ ഒരു ആരോഗ്യ ഇൻഷുറൻസ് നമ്മൾ എടുക്കുകയാണെങ്കിൽ പ്രതി വര്ഷം പതിനയ്യായിരം ഉലുവ എണ്ണി കൊടുക്കണം . എന്നിട്ടും മിക്ക ആരോഗ്യ ഇന്ഷുറന്സുകളും നഷ്ടത്തിൽ ആണ് . പതിയെ മുപ്പതും , നാല്പതും , ആയിരം ആകാൻ സാധ്യത ഉണ്ട് .
പക്ഷെ ബജറ്റ് പ്രകാരം അതൊന്നും വേണ്ട .
കേന്ദ്രൻ ഒരു നാല്പതു രൂപ ഇങ്ങോട്ടു തരും .
സംസ്ഥാനം ഒരു ഇരുപതു രൂപ അങ്ങോട്ട് കൊടുക്കും .
പിന്നെ വന്ദേ മാതരം ! ജയ് ഹിന്ദ് – അങ്ങനെ കുറെ മുദ്രാവാക്യങ്ങൾ മുഴക്കും .
പിന്നെ ഒരു ഗ്ളാസ് നാരങ്ങാ വെള്ളം – ചടങ്ങു കഴിഞ്ഞു .
ഇതാണ് നസ്രപ്പികൾക്ക് സുഖുക്കുന്നത് . ഇതിന്റെ മുഴുവൻ ഐഡിയയും സുവിശേഷത്തിൽ നിന്നാണ്:
“അനന്തരം അവൻ ചോദിച്ചു – ഈ മനുഷ്യർക്ക് കഴിക്കാൻ എന്ത് കൊടുക്കും ?
ഓ – ഇവിടെ ഒരാളുടെ കൈയിൽ അഞ്ചപ്പവും രണ്ടു മീനും മാത്രമേ ഉള്ളു .
അതിങ്ങു കൊണ്ട് വരൂ .
അത് ആശീർവദിച്ചു മുറിച്ചു വിളമ്പാൻ അവൻ കല്പിച്ചു .
അയ്യായിരം പേര് തിന്നു നിറഞ്ഞു , ബാക്കി പന്ത്രണ്ടു കുട്ടകളിൽ ശേഖരിച്ചു .”
മത്തായിയുടെ സുവിശേഷം – പതിനാലാം അധ്യായം .
ജയ് നസ്രാപ്പി . ജയ് ക്രിസ്ത്യൻ ഉമ്മ . ബജറ്റെ ഉമ്മ . (ജിമ്മി മാത്യു )
